कोरोना संकटवर मात करण्यासाठी अर्थमंत्र्यांची १,७०,००० कोटींच्या पॅकेजची घोषणा

कोरोना व्हायरसच्या पार्श्वभूमीवर लॉकडाऊनमुळे रोजंदारीवर काम करणाऱ्या लोकांचे हाल झाले आहेत. देशातील नागरिकांना या कठीण प्रसंगामध्ये अन्नधान्य आणि पैशांची चिंता सतावू नये यासाठी केंद्र सरकारकडून अत्यंत महत्तवाची घोषणा करण्यात आली त्यांच्यावर उपाशी राहण्याची वेळ येऊ नये म्हणून केंद्र सरकारतर्फे १ लाख ७० हजार कोटींची घोषणा केंद्र सरकारने जाहीर केली आहे. पंतप्रधान गरीब कल्याण अन्न योजनेअंतर्गत केंद्रीय अर्थमंत्री निर्मला सीतारामन यांनी ही घोषणा केली आहे. तसेच, वैद्यकीय कर्मचाऱ्यांसाठी ५० लाखाचे विमा संरक्षणही जाहीर करण्यात आले .या योजनेचा ३० लाख कर्मचाऱ्यांना फायदा होणार आहे.

केंद्रीय अर्थ राज्यमंत्री अनुराग ठाकूर यांनीसुद्धा यावेळी सीतारमण यांच्या साथीने काही महत्त्वाच्या घोषणा केल्या. ज्यामध्ये या युद्धपातळीवरील परिस्थितीमध्ये आरोग्यसेवांमध्ये कार्यरत असणाऱ्या कर्मचार्यांसाठी तब्बल ५० लाख रुपयांच्या आरोग्य विम्याची घोषणा करण्यात आली. जवळपास २० लाख कर्मचाऱ्यांचा विमा या योजनेअंतर्गत उतरवण्यात येणार आहे.

अन्नदाता अर्थात शेतकऱ्यांसाठी महत्त्वाची तरतूद करण्यात येणार आहे. ८ कोटी ७० लाख शेतकऱ्यांच्या खात्यांवर दोन हजार रुपये जमा केले जाणार आहेत. एप्रिल महिन्यात हे पैसे खात्यांवर जमा केले जातील असेही अनुराग ठाकूर यांनी म्हटले आहे. किसान सन्मान योजनेच्या अंतर्गत हे पैसे जमा केले जातील असंही त्यांनी स्पष्ट केले .