पंतप्रधान नरेंद्र मोदी यांनी सोमवारी सकाळी कोरोना लस घेतली. दिल्लीतल्या एम्स हॉस्पिटलमध्ये पंतप्रधान मोदी यांनी ही लस घेतली. पंतप्रधानांनी भारत बायोटेकची कोव्हॅक्सिन लस घेतली. पंतप्रधान नरेंद्र मोदी यांनी आज कोरोना व्हायरस लसीचा पहिला डोस घेतला. त्यांनी स्वत: ट्विट करुन ही माहिती दिली आहे. दरम्यान, 1 मार्चपासून कोरोना लसीकरण मोहिमेचा दुसरा टप्पा सुरू केला जात आहे आणि याअंतर्गत आता 60 वर्षाखालील लोकांना लस डोस दिला जाईल. या व्यतिरिक्त ज्यांचे वय 45 वर्षे आहे अशा लोकांना देखील लसीकरण केले जाईल ज्यांना आधीच मोठा आजार आहे.
पीएम मोदी यांच्यानंतर उपराष्ट्रपती व्यंकय्या नायडू यांनाही लस देण्यात आली. ते म्हणाले, ‘आज मी कोविड लसीचा पहिला डोस चेन्नईच्या शासकीय वैद्यकीय महाविद्यालयात घेतला. पुढील डोस 28 दिवसांनंतर घेईल. लसीकरणाच्या या टप्प्यासाठी पात्र असलेल्या सर्व नागरिकांना आवाहन, कोरोना विषाणूविरूद्ध मोहिमेमध्ये सामील व्हा आणि लसीकरण करा.
बिहारचे मुख्यमंत्री नितीश कुमार आणि ओडिशाचे मुख्यमंत्री नवीन पटनाईक यांनी कोरोना विषाणूच्या लसीचा पहिला डोस घेतला आहे.
केंद्रीय आरोग्य मंत्रालयाच्या मते कोणत्याही व्यक्तीला कोणत्याही केंद्रात कोरोनाची लस मिळू शकते. सकाळी 9 वाजेपासून नोंदणी प्रक्रिया सुरू झाली आहे. मंत्रालयाच्या म्हणण्यानुसार, जर एखाद्या व्यक्तीला पोर्टलवर नोंदणी करणे शक्य नसेल तर तो थेट लसीकरण केंद्रावर जाऊन स्वत: देखील नोंदणी करू शकतो. यासाठी आपण आधार कार्ड, ड्रायव्हिंग लायसन्स, मतदार ओळखपत्र, पॅनकार्ड, बँक किंवा पोस्ट ऑफिससह फोटो पासबुकसह सरकारकडून मंजूर झालेल्या 12 ओळखपत्रांपैकी कोणतीही एक दर्शवू शकता.
