एकीकडे यूरो कप स्पर्धा रंगत असताना दुसरीकडे टेनिस चाहत्यांना रविवारी फ्रेंच ओपनचा थरार अनुभवायला मिळाला. ग्रीसचा २२ वर्षाचा टेनिसपटू स्टेफानोस त्सित्सिपास आणि जगातील प्रथम क्रमांकाचा सर्बियाचा टेनिसपटू नोव्हाक जोकोव्हिच पुरुष एकेरीतील अंतिम सामन्यात एकमेकांसमोर उभे ठाकले होते. सुरुवातीचे दोन सेट गमावलेल्या जोकोव्हिचने उर्वरित सामन्यात सर्व अनुभव पणाला लावत पुनरागमन केले. पाच सेटपर्यंत रंगलेल्या सामन्यात जोकोव्हिचने त्सित्सिपासला ६-७, २-६, ६-३, ६-२, ६-४ असे हरवत फ्रेंच ओपनचे दुसऱ्यांदा जेतेपद पटकावले.
जोकोविचने फिलिप कार्टर सेंटर कोर्टवर चार तासांहून अधिक वेळ सुरु असलेल्या या फ्रेंच ओपनच्या अंतिम लढतीत 6-7, 2-6, 6-3, 6-2, 6-4 ने त्सिटिपासचा पराभव करुन दुसऱ्यांदा हा किताब आपल्या नावे केला आहे.
त्सिटिपासनेही जोकोविचला टक्कर देण्याचा प्रयत्न केला आणि पहिले दोन सेट 7-6, 6-2 नी आपल्या नावे केले. यावेळी प्रेक्षकांना असं वाटत होतं की, जोकोविचचा आता फ्रेंच ओपनची अंतिम लढतीत पराभव होणार. परंतु, जगातील सर्वोत्कृष्ट खेळाडू म्हणून ओळखल्या जाणाऱ्या जोकोविचनं वापसी करत सामना आपल्या बाजूनं वळवला आणि पुढील तीन सेट आपल्या नावे करुन फ्रेंच ओपनच्या किताबावर आपलं नाव कोरलं.
52 वर्षांत पहिल्यांदाच जोकोविचने सिंगल ग्रँडस्लॅम मिळवणारा खेळाडू ठरला आहे. लाल मातीवर आपली सत्ता गाजवत त्याने हा विक्रम रचला. सुरुवातीचे दोन सेट गमवल्यानंतर सामना हातातून निसटू नये यासाठी त्याने उर्वरित सेटमध्ये प्राण पणाला लावून प्रयत्न केले आणि त्याला अखेर यश मिळालं. एकट्यानं हा ग्रँडस्लॅम जिंकण्याची त्याची दुसरी वेळ आहे. त्याचं जगभरात कौतुक होत आहे.
तिसऱ्या सेटनंतर त्सित्सिपासला पाठीचं दुखणं सुरू झालं. मात्र त्याने मैदान सोडलं नाही. या युवा खेळाडूनं जिंकण्याची आशा अखेरपर्यंत सोडली नाही. तो प्रयत्न करत राहिला. चौथ्या सेटपासून जोकोविच त्याच्यावर भारी पडला. पहिल्या दोन सेटमध्ये विजय मिळवता आला मात्र शेवटपर्यंत हा विजय टिकवण्यात त्याला यश मिळालं नाही. मात्र या युवा खेळाडूचंही कौतुक होत आहे.
What a tournament 💪#RolandGarros | @DjokerNole pic.twitter.com/BJEXSR8xnj
— Roland-Garros (@rolandgarros) June 13, 2021
