टोकियो ऑलिम्पिकमध्ये भारताची सकाळ सोने आणि चांदीने झाली. अवनी लेखराने नेमबाजीत देशातील पहिले सुवर्णपदक जिंकले आहे. पुरुषांच्या F57 प्रकारात योगेश कठुनियाने डिस्कस थ्रोमध्ये रौप्य पदक पटकावले. त्याचबरोबर भारताला भालाफेकमध्ये दोन पदके मिळाली. दोन वेळा सुवर्णपदक विजेते देवेंद्र झाझरिया यांनी तिसरे पदक पटकावले. त्याने 64.35 मीटर थ्रोसह रौप्यपदक जिंकले. तर सुंदर गुर्जरने 64.01 मीटरसह कांस्यपदक पटकावले.
टोकियो पॅरालिम्पिकमध्ये नेमबाज अवनी लेखरानं देशाच्या शिरपेचात मानाचा तुरा रोवला आहे. 10 मीटर एअर रायफल स्पर्धेत अवनी लेखाराला सुवर्ण पदक मिळालं आहे. अवनी लहानपणापासून अपंग नव्हती, पण तिचा आणि तिचे वडील प्रवीण लेखरा यांचा 2012 मध्ये जयपूरहून धोलपूरला जाताना अपघात झाला होता. ज्यात तिचे वडील आणि ती दोघेही जखमी झाले. काही काळानंतर तिचे वडील बरे झाले, पण अवनीला तीन महिने रुग्णालयात काढावे लागले. मणक्याच्या हाडांच्या दुखापतीमुळे तिला उभे राहणे आणि चालणे अशक्य झाले. तेव्हापासून ते व्हीलचेअरवर आहे.
अभिनव बिंद्रा यांच्या बायोग्राफीतून प्रेरणा घेऊन शूटिंगला सुरुवात केली
अवनी काही दिवस डिप्रेशनमध्ये होती आणि काही दिवस स्वतःला खोलीत बंद करून घेतले होते. पालकांच्या सतत प्रयत्नांनंतर, अवनीमध्ये आत्मविश्वास परत आला आणि अभिनव बिंद्राच्या बायोग्राफीतून प्रेरणा घेऊन तिने शूटिंगला सुरुवात केली.
भालाफेकपटू सुमित अंतिलची विश्वविक्रमासह सुवर्ण पदकाला गवसणी
भारतीय भालाफेकपटू सुमित अंतिलने सोमवारी टोकियो पॅरालिम्पिकमध्ये सुवर्णपदक जिंकून इतिहास रचला. पहिल्यांदा पॅरालिम्पिकमध्ये खेळताना सुमितने भाला फेकण्याच्या F-64 स्पर्धेच्या दुसऱ्या प्रयत्नात 68.08 मीटरचा थ्रो केला. त्यानंतर त्याने आपल्या पाचव्या प्रयत्नात त्यात आणखी सुधारणा केली आणि 68.55 मीटर फेकून विश्वविक्रम केला.
सुमितने पहिल्याच प्रयत्नात 66.95 मीटर अंतरावरून भाला फेकला, जो एक विक्रम देखील आहे. त्याने दुसऱ्या प्रयत्नात 68.08 मीटर भाला फेकला. त्यानंतर तिसऱ्या प्रयत्नात त्याने 65.27 मीटर, चौथ्या प्रयत्नात 66.71 मीटर आणि पाचव्या प्रयत्नात सुमितने 68.55 मीटर भाला फेकला.
टोकियो पॅराॉलिम्पिकमध्ये भारताचे आतापर्यंतचे हे दुसरे सुवर्णपदक आहे. याआधी महिला नेमबाज अवनी लखेरा (Avani Lakhera) हिने सोमवारी सकाळी सुवर्णपदक पटकावले. भारताने आतापर्यंत सुमारे 7 पदके जिंकली आहेत, यामध्ये 2 सुवर्णपदके आहेत.
