एचएमडी ग्लोबलने मेगा इव्हेंटची तारीख नुकतीच जाहीर केली असून हा मेगा इव्हेंट ६ऑक्टोबर रोजी होणार आहे. नोकियाच्या या मेगा इव्हेंटमध्ये नोकिया G50 5G सह अनेक चांगले स्मार्टफोन लाँच केले जाणार आहे. या इव्हेंटमध्ये आगामी स्मार्टफोनचे नाव नोकियाने जाहीर केले आहे. नोकिया G50 5G व्यतिरिक्त, कंपनी Nokia T20 अँड्रॉइड टॅबलेट लाँच करण्याची शक्यता आहे. कंपनीने ट्विटरवरून लॉन्च इव्हेंटची घोषणा केली आहे. यामध्ये नोकिया G50 हा 5G स्मार्टफोन असेल असे सांगितले जात आहे. जो Qualcomm Snapdragon 480 चिपसेट सपोर्टसह देऊ शकतो. यासह नोकिया कडून Noki X20, Nokia X10 आणि Nokia XR20 लॉन्च केले जातील असे सांगितले जात आहे.
अहवालांनुसार, Nokia G50 5G मध्ये ६.८२ इंच (७२० × १६४० पिक्सेल) HD + डिस्प्ले असू शकतो. फोनमध्ये ग्राफिक्ससाठी ऑक्टा-कोर स्नॅपड्रॅगन ४८० प्रोसेसर आणि एड्रेनो ६१९ जीपीयू दिले जाऊ शकतात. ६ जीबी / ८ जीबी रॅम असलेल्या स्मार्टफोनमध्ये ६४ जीबी / १२८ जीबी इनबिल्ट स्टोरेज दिले जाण्याची शक्यता आहे. जे, मायक्रोएसडी कार्डद्वारे स्टोरेज ५१२ जीबी पर्यंत वाढवता येते.
तसेच नोकियाप्रेमींसाठी आनंदाची बातमी म्हणजेच नोकिया लवकरच अँड्रॉइड टॅबलेट लाँच करण्याच्या तयारीत आहे. Nokia T20 टॅब्लेटच्या नावाने हे लाँच केले जाऊ शकते. याटॅबमध्ये 10.36-इंच स्क्रीनसह 4 GB रॅम आणि 64 GB स्टोरेजसह देऊ केला जाऊ शकतो. Nokia T20 टॅबलेट २०१५ नंतर लाँच होणार आहे. Nokia N1 Slate या नावाने हा फोन प्रथम २०१५ साली लाँच करण्यात आला. युनिसॉक प्रोसेसरला टॅब्लेटमध्ये सपोर्ट करता येतो. तसेच, हा टॅब अँड्रॉइड ११ आधारित असणार आहे.
