गुगल मॅपमुळे एखादं ठिकाण शोधणं सोपं झालं आहे. त्यामुळे वेळेची बचत होते आणि चुकीच्या ठिकाणी जाण्याचा प्रश्न येत नाही. त्यामुळे हल्ली लोकांना पत्ता विचारण्याऐवजी गुगल मॅपवर लोकेशन सेट करून जाता येतं. त्यामुळे गुगल मॅप प्रत्येकाच्या मोबाईलमध्ये असतंच असतं. Google ने आपल्या लोकप्रिय नेव्हिगेशन अ‍ॅप Google Maps मध्ये काही नवीन फीचर्स जोडले आहेत. यातील एक वैशिष्ट्य म्हणजे टोल टॅक्सचा (toll tax) खर्च. या फीचरद्वारे यूजर्सना प्रवास सुरू करण्यापूर्वी वाटेत टोलवर किती कर भरावा लागेल हे पाहता येणार आहे. यासाठी गुगलने स्थानिक टोल प्राधिकरणाशी भागीदारी केली आहे. नवीन सुविधेद्वारे, तुम्हाला टोल मार्ग निवडायचा की नॉन-टोल मार्ग निवडायचा हे तुम्ही ठरवू शकणार आहात.
टोल टॅक्सच्या खर्चाची कल्पना येण्यासाठी गुगल मॅप काही महत्त्वाच्या मुद्द्यांचे परीक्षण करणार आहे. ही किंमत टोल पास किंवा पेमेंटच्या इतर कोणत्याही पद्धतीवर, आठवड्याचा दिवस आणि टोल पास करण्याची अंदाजे वेळ यावर अवलंबून असेल. भारतासह यूएस, जपान आणि इंडोनेशियामधील सुमारे 2,000 टोल रस्त्यांसाठी या महिन्यात Android आणि iOS वर टोलच्या किमती सुरू होतील.
एवढेच नाही तर, तुम्हाला टोल टाळायचा असेल तर गुगल मॅप तुम्हाला त्याचा मार्गही सांगेल. येथे तुम्हाला टोल व्यतिरिक्त टोलमुक्त मार्गाचा पर्याय सांगितला जाईल. मात्र, यासाठी तुम्हाला सेटिंग्जमध्ये टोल टॅक्स टाळा हा पर्याय सक्षम करावा लागेल.
भारत, इंडोनेशिया, जपान आणि अमेरिकेतील गुगल मॅप वापरणाऱ्यांना कोणत्याही प्रवासापूर्वी टोल चार्जेसची माहिती मिळेल, असे गुगलने म्हटले आहे. हे अपडेट फक्त काही वापरकर्त्यांसाठी जारी केले गेले आहे परंतु या महिन्याच्या अखेरीस सर्वांसाठी जारी केले जाईल. इतर देशांमध्ये, हे फिचर या वर्षाच्या अखेरीस येईल. नवीन अपडेटनंतर गुगल मॅप वापरकर्त्यांच्या पेमेंट मोडसह टोल आणि त्याची किंमत याबद्दल माहिती देईल. नवीन वैशिष्ट्य सुमारे २००० टोल रस्त्यांसाठी उपलब्ध आहे.
याशिवाय, iOS यूजर्सना Apple Watch किंवा iPhone वर Google Maps वापरणे सोपे व्हावे यासाठी Google ने नवीन अपडेट्स देखील जारी केले आहेत. नवीन अपडेटमध्ये नवीन पिन ट्रिप विजेट, Apple Watch वरून थेट नेव्हिगेशन आणि Google मॅप सिरीमध्ये एकत्रीकरण समाविष्ट आहे.
