भारतात कोरोना विषाणूची लाट भयावह रुप घेताना दिसत आहे. कला, क्रीडा या विश्वांपासून व्यवसाय क्षेत्र आणि दैनंदिन जीवनावर याचे थेट परिणाम दिसून येत आहेत. या महामारीचा वाढता धोका पाहता यूएके, हॉन्ग कॉन्ग, कनाडा, सिंगापुर, ईरान सारख्या देशांनी भारतातून येणाऱ्या विमानांवर बंदी घातली आहे. आता या यादीत मालदीवचा देखील समावेश आहे. मालदीव पर्यटन विभागाने रविवारी सकाळी हा आदेश जाहीर करत भारतीय पर्यटकांवर काही दिवसांची बंदी घातली आहे.
मालदीवमधील पर्यटन मंत्रालयानं रविवारी हा महत्त्वाचा निर्णय घेत कोरोनाला रोखण्यासाठी हे पाऊल उचलल्याचं सांगण्यात आलं. या निर्णयाच्या अधिकृत घोषणेनंतर सोशल मीडियावर अनेक मीम्सना उधाण आलं. मागील बऱ्याच काळापासून अनेक सेलिब्रिटींनी मालदीवची वाट धरली होती. इथं भारतात कोरोना थैमान घालत असताना सेलिब्रिटी मंडळी मात्र थेट मालदीव बेटांच्या दिशेनं वाट धरताना दिसत होते.
जान्हवी कपूर, श्रद्धा कपूर, टायगर श्रॉफ, आलिया भट्ट, रणबीर कपूर या सेलिब्रिटींनी नुकतीच मालदीववारी केली. पण, आता मात्र त्यांच्याबाबत अनेक मीम सोशल मीडियावर तुफान व्हायरल होत आहेत.
Maldives bans Indian tourists from stay at hotels, resorts and guest houses
Bollywood celebrities : pic.twitter.com/pNx2hiqDeG
— SwatKat💃 (@swatic12) April 25, 2021
Maldives suspends tourists from India
Bollywood : pic.twitter.com/7pFYGgefsn
— Tafsir 🇮🇳 (@tafsircasm) April 26, 2021
बी- टाऊनच्या या सर्व सेलिब्रिटींनी त्यांच्या सुट्ट्यांदरम्यानचे फोटो सोशल मीडियावर पोस्ट केले होते. पण, आता मात्र याच फोटोंमुळं त्यांची खिल्लीही उडवण्यात येत आहे. मालदीवमध्ये भारतीय पर्यटकांवर बंदी घातल्याचं जाहीर होताच सेलिब्रिटींची प्रतिक्रिया नेमकी कशी असेल याचे असंख्य विनोदी मीम्स अनेक युजर्सनी पोस्ट केले आहेत. चित्रपटातील संवादस एखादं दृश्य इथपासून काही छायाचित्रांचा आधार घेत सध्या हे प्रकरण कमालीचं व्हायरल होत आहे
