पुणे: वाघोली येथील जी एच रायसोनी महाविद्यालयातील बी.सी.एस प्रथम वर्षात शिकत असलेला प्रणव दत्तात्रय खांदवे या विद्यार्थ्याने गोळाफेक या खेळामध्ये 18 वर्षाखालील क्रीडा प्रकारात तृतीय क्रमांक पटकावला आहे. या क्रमांकासह ब्राँझ मेडल देखील या विद्यार्थ्यांनी पटकावले आहे.
भोसरी येथील संत ज्ञानेश्वर क्रीडा संकुलामध्ये पार पडलेल्या पुणे जिल्हा मैदानी स्पर्धेत रायसोनी महाविद्यालयातील विद्यार्थ्यांने घवघवीत यश मिळवले असून सर्वत्र कौतुकाचा वर्षाव होत आहे.
प्रणव खांदवे हा अहमदनगर जिल्हातील वाकोडी या गावातील शेतकरी कुटुंबामधून येतो. त्यांनी मिळवलेल्या यशाबद्दल त्याचे सर्वत्र अभिनंदन केले जात आहे .तसेच पुढील खेळासाठी कॉलेजकडून प्रोत्साहन देखील दिले जाणार असल्याची माहिती कॉलेज कडून देण्यात आली आहे.
या खेळासाठी चेअरमन सुनील रायसोनी ,डायरेक्टर डॉ.आरती देशपांडे ,प्राचार्य डॉ. सुरेश धारणे क्रीडाशिक्षक अक्षय सातपुते यांचे प्रमुख मार्गदर्शक तर सर्व शिक्षक व शिक्षकेतरचे सहकार्य लाभले.
